Les rendez-vous de l'ICKL

Les listes de l'ICKL

Nouveautés - Cliquez ici pour vous enregistrer sur la liste des nouveautes du site et d'autres activites de l'ICKL

ForumPaysan - Cliquez ici pour vous enregistrer sur la liste du forum afin de recevoir les documents appropriés


 

Pozisyon plizyè òganizasyon sou koze salè minimòm nan ak sou zak maspinay ki fèt sou yon ouvriye nan pak endistriyèl la
Posté le lundi 20 juillet 2009 par icklhaiti

Pòtoprens, 15 jiyè 2009

Nòt pou laprès

Nou menm, òganizasyon peyizan, òganizasyon fanm ak òganizasyon jèn nan 9 depatman peyi a, ki siyen nòt sa a, nou denonse ak tout fòs nou, move kondisyon ouvriye k ap travay tankou esklav nan faktori nan pak endistriyèl la, nou denonse zak maspinay ki fèt sou ouvriye Reno Bill ki t ap travay nan Faktori # 47 ki pou Richard Coles epi nou apiye kare bare tout batay k ap fèt pou defann salè minimòm 200 goud la.

-   Lè n konsidere jan ti malere ak malerèz yo ap bourike tankou esklav nan faktori yo

-   Lè n konsidere jan sektè prive a mete lavi byen chè nan peyi a

-   Lè n konsidere jan boujwazi a ap maltrete travayè ak travayèz tankou chen nan lari

-   Lè n konsidere jan sèten depite tounen bèt nan kite boujwa sanginè yo plen bouch yo ak zèb pou yo pa pale pawòl 200 goud pèp la

-   Lè nou konstate jan prezidan Preval ap defann enterè boujwa yo olye enterè mas pòv yo

-   Lè nou konstate mechanste boujwazi a ki pito simaye teryòs bay depite yo olye li amelyore sò malere yo

-   Lè nou konstate enjerans MINISTA nan fè represyon sou manifestan epi nan bay gaz nan lopital ak nan legliz

Nou menm òganizasyon ki nan kan popilè a, nou denonse gouvènman an k ap sèvi ak lajan pèp la pou fè piblisite kont salè minimòm 200 goud la epi nou apiye ak tout fòs nou, mouvman sektè popilè yo ap fè pou defann salè minimòm 200 goud la. Poutèt sa, nou mande :

1) Pou tout depite konsekan, vote 200 goud la, pou yo pa kite boujwa ak pouvwa anplas la, achte konsyans yo pou teryòs ak ti pwojè

2) Jistis ak reparasyon pou ouvriye Reno Bill, pou maspinay li sibi nan men lapolis jou ki te lendi 13 jiyè 2009 la, poutèt li t ap revandike dwa li genyen

3) Pou lajistis mete anba kòd, Richard Coles, ki se pwopriyetè faktori # 47 la

4) Jistis pou tout moun k ap travay tankou esklav nan faktori yo

Nou menm, òganizasyon ki siyen nòt sa a, n ap fè Preval sonje, bay kou bliye pote mak sonje. San Reno pa gen dwa koule pou granmesi.

Viv lit mas popilè yo ! Viv òganizasyon konsekan ki gen nan peyi a ! Aba boujwa piyajè ! Aba okipasyon ! Aba leta sousou, restavèk !

Oganizasyon ki siyen yo :

1 Jean Joachim Odné, Kòdinasyon Oganizasyon Benè (KOB) Sidès (Benè)

2 Farius Alcius, Fòs Pou Defann Dwa Peyizan Ayisyen (FDDPA) Latibonit (vèrèt)

3 Marius Thélusmond, Federasyon Gwoupman Peyizan Bèlfontèn (FGPB) Lwès (Bèlfontèn)

4 Frantzy Beaugé Coordination des Militants Pour Le Développement de Onzième-douzième Petit-Goave (CMD-OD) Lwès (Tigwav)

5 Repentita Félix Oganizasyon Popilè Pou Edikasyon Popilè (Chandèl)Lwès (Pòtoprens)

6 Florince Fragile Rasanbleman Jenès Savanèt (RAJES) Plato Santral (Savanèt)

7 Vilio Espérence Oganizasyon pou Lave Je Koray Anri (OLAJEKA) Sid (Koray Anri)

8 Marie Guerda Jérôme Solidarite Fanm Ayisyen (SOFA Kay Jakmèl) Sidès (Kay Jakmèl)

9 Archange Déréus Federasyon Tèt kole Nòdwès (FTKNO) Nòdwès

10 Jules André Joseph Club de la Découverte Sidès (Kay Jakmèl)

11 Elie Kamety Mak-alla Association Des Jeunes Pour Le Développement de Cayes Jacmel (AJDC) Sidès (Kay Jakmèl) 12 Ceïde Orlando Asosyasyon Inivèsitè ak Inivèsitèz Desalinyen (ASID, Lwès (Pòtoprens)

13 Pierre Richard Francis Mouvman Demokratik Popilè (MODEP) Lwès (Pòtoprens)

14 Baptiste Toussaint Syvella Federasyon Peyizan Patizan Makandal (FEPPAM) Grandans

15 Michel Markenson Mouvement des Jeunes Philanthropes pour Le Développement de l'Artibonite (MJPDA) Latibonit (gonayiv)

16 Malita Jeannot Federasyon Tèt Kole Sid (TK Sid) Sid

17 Marc Edson Dorval Solidarite Ant Jèn (SAJ VEYE YO) Lwès (Pòtoprens)

18 Occean Rémy Association des Jeunes volontaires Pour le Développement de Wanaminthe (AJVDO) Nòdès / Wanament

19 Lafond Max Dialy Mouvman Revandikatif Peyizan Latibonit (MOREPLA) Latibonit

20 Dugué Ainé Kòdinasyon Oganizasyon Pwodiktè Peyizan Nò-Nòdès (KOPWONÒ) copronord2006@yahoo.fr Nò-Nòdès

21 Jules Maxime Mouvman Inite Pèp Okay (MIPAK) Sid 22 Teridor Jean Italien Gwoupman Peyizan Dalmanyak (GPD) Sid

23 Pierre Jean Guymmy SÈK JÈN Sid

24 Présumé Joseph Pradel Tèt Kole TOULME Sidès

25 Wanique Pierre Kòdinasyon Rezistans Popilè Nòdès (KRPN) Nòdès

26 Patrick Joseph Komite Pou Relèvman Divivye (KRD) Lwès (Pòtoprens)

27 Poliner Augustin Sant Pou Lakilti ak Devlopman Karis (SKDK) skdkaris@yahoo.fr Nòdès (Karis)

28 Harry Moïse, Sèk Gramsci, Lwès

29 Aliès Maxi Viv Espwa Pou Devlopman Kapwouj (VEDÈK) Sidès

30 Nicolas Pierre-Louis Kòdinasyon Nasyonal Revandikasyon Peyizan Latibonit (KONAREPA), Latibonit

icklhaiti [ICKL HAITI]



 

ICKL / Adresse : 22, rue Dadjuna, Delmas 75 - HT 6120, Delmas, HAÏTI
Tel : (509) 2816 7249 - E-mail : ickl @icklhaiti.org - URL :
www.icklhaiti.org
Tous droits réservés | © ICKL 2005
Site concu et réalisé par
Gotson Pierre du Groupe Medialternatif
Utilisation de SPIP, logiciel libre distribué sous license GPL